МІНСК, 13 ліп — Sputnik. Крыху менш за месячную норму ападкаў выпала днём у чацвер у Брэсце, паведамілі Sputnik у рэспубліканскім Гідраметцэнтры.
Залевы абрынуліся на Беларусь у чацвер: моцныя дажджы па паўднёвым захадзе краіны, у тым ліку ў Брэсце, Гродне і Мінску.
"У Брэсце днём выпала 24 міліметра ападкаў — крыху менш за траціну ад месячнай нормы ападкаў. У Гродне выпалі каля 13 міліметраў ападкаў, а ў Мінску — каля сямі міліметраў", — паведаміла Sputnik галоўны сіноптык Гідраметцэнтра Святлана Рыбакова.
Са слоў сіноптыкаў, дажджы зноў пройдуць па Беларусі ўвечары ў чацвер: ужо каля 16:30 чарговы фронт наблізіўся да межаў Мінскай вобласці.
Ужо з пятніцы ў рэспубліку прыйдзе пахаладанне: так, тэмпература паветра ў пятніцу складзе ў Мінску толькі каля 17 градусаў цяпла. Пратрымаецца неспрыяльнае надвор'е некалькі дзён, чакаюцца і моцныя парывы ветру.
