МІНСК, 14 сту – Sputnik. Прэзідэнт Беларусі Аляксандр Лукашэнка прыехаў развітацца з мітрапалітам Філарэтам, паведаміў у чацвер Telegram-канал "Пул першага", блізкі да прэс-службы беларускага лідэра.
Любіў Беларусь усёй душой
Лукашэнка 12 студзеня сказаў, што мітрапаліт Філарэт любіў Беларусь ўсёй душой. Паводле слоў беларускага лідэра, дзякуючы падтрымцы і бацькоўскім парадам Уладыкі беларусы разам пабудавалі моцную суверэнную краіну, "дзе ўсе жывуць у міры, згодзе і няма месца рэлігійнай варожасці".
Прэзідэнт называў мітрапаліта Філарэта адным з самых аўтарытэтных іерархаў у праваслаўным свеце. Таксама ён вельмі цёпла ставіўся да яго: кожны год віншаваў з днём нараджэння, а на 80-годдзе, калі мітрапаліт ужо быў на пенсіі, прэзідэнт асабіста прыехаў да іерарху і падарыў яму чайны сервіз.
Развітанне з мітрапалітам
Цырымонія развітання з мітрапалітам Філарэтам праходзіць у Свята-Духавым кафедральным саборы Мінска. Учора труну з целам уладыкі, па яго завяшчанні даставілі, у дамавы храм Мінскага епархіяльнага ўпраўлення, дзе былі адслужаны літыя і паніхіда, пасля чаго цела мітрапаліта Філарэта перанеслі ў Мінскі кафедральны сабор.
У храм на паніхіду, якую ўзначаліў мітрапаліт Веніямін, прыйшлі дзесяткі вернікаў і святароў. Як распавёў кіраўнік БПЦ, мітрапаліт завяшчаў пахаваць яго ў Жыровіцкім манастыры.
Развітанне з мітрапалітам працягнецца да 18:00, пасля чаго труну з яго целам перавязуць ва Успенскі Жыровіцкі манастыр. А ў пятніцу ў 10:00 у манастыры пачнецца саборная архірэйская літургія, пасля заканчэння якой адбудзецца паніхіда па мітрапаліту і пахаванне.
Мітрапаліт Філарэт памёр 12 студзеня на 86-м годзе жыцця. Ён узначальваў Беларускую праваслаўную царкву больш за 20 гадоў. Прычына смерці не называецца, але вядома, што ў сярэдзіне снежня ўладыка быў шпіталізаваны з каронавірусам.
Чытайце таксама:
- Памёр Мітрапаліт Філарэт
- Развітанне з мітрапалітам Філарэтам пройдзе ў Мінску і ў Жыровічах
- Патрыярх Кірыл ацаніў уклад мітрапаліта Філарэта ў развіццё БПЦ
