Тэатральны форум "М.@rt.контакт" плануе паказ 22 спектакляў

© Sputnik / Виктор ТолочкоРатуша Магілёва
Ратуша Магілёва - Sputnik Беларусь
Падпісацца
У Магілёў прыедуць калектывы з Расіі, Беларусі, Украіны, Польшчы, Казахстана, Арменіі, Грузіі, Літвы. Упершыню ў форуме прымуць удзел тэатры з Аўстрыі і ЗША.

МІНСК, 17 сту — Sputnik. XII Міжнародны моладзевы тэатральны форум "М.@rt.контакт" пройдзе 21-27 сакавіка ў Магілёве. У гэтым годзе плануецца паказ 22 спектакляў 20 тэатраў з 10 краін свету, паведамляе аблвыканкам.

Спектакль Горад. Жаніцьба. Гогаль - Sputnik Беларусь
"ТэАрт" пачаў прыём заявак для ўдзелу ў "Belarus Open"

У Магілёў прыедуць калектывы з Расіі, Беларусі, Украіны, Польшчы, Казахстана, Арменіі, Грузіі, Літвы. Упершыню ў форуме прымуць удзел тэатры з Аўстрыі і ЗША.

Форум будзе праходзіць адразу на некалькіх сцэнічных пляцоўках абласнога цэнтра: аблдрамтэатра, абласнога тэатра лялек, канцэртнай залы "Магілёў", а таксама ў другі раз будзе задзейнічана прастора Музея этнаграфіі, дзе пакажуць спектакль "Браты Карамазавы" (Тэатр-студыя Theaomai), пастаўлены рэжысёрам Сільвай Крывіцкіене.

Беларусь у афішы міжнароднага тэатральнага форуму прадстаўлена некалькімі творчымі калектывамі. Беларускі дзяржаўны маладзёжны тэатр пакажа гледачам нашумелы спектакль "Саша, вынесі смецце", пастаўлены артыстам тэатра Дзмітрыем Багаслаўскім па п'есе сучаснага ўкраінскага драматурга Наталлі Варажбіт.

Дырэктар Рэспубліканскага тэатра беларускай драматургіі Уладзімір Карачэўскі - Sputnik Беларусь
Радыё
Карачэўскі: у сучаснай беларускай драматургіі - дэфіцыт камедый

Магілёўскі абласны тэатр драмы і камедыі ім. В. І. Дуніна-Марцінкевіча падрыхтаваў для форуму спектакль "Лондан", пастаўлены паводле п'есы Максіма Дасько пры падтрымцы Цэнтра эксперыментальнай рэжысуры БДАМ. Будзе і беларускамоўная пастаноўка "Гэта ўсё Яна" Рэспубліканскага тэатра беларускай драматургіі, ажыццяўлённая пры падтрымцы Інстытута імя Гётэ.

Таксама на форуме Магілёўскі абласны драматычны тэатр пакажа "Крэйцараву санату" па аднайменным творы Льва Талстога (рэжысёр Саўлюс Варнас), а Магілёўскі абласны тэатр лялек — "Сіняя-сіняя", монаспектакль Лаўрэата Нацыянальнай тэатральнай прэміі Мікалая Сцешыца, пастаўлены паводле твора Уладзіміра Караткевіча рэжысёрам Ігарам Казаковым.

Прафесійнае журы ў гэтым годзе не прадугледжана. Для абмеркавання спектакляў плануецца запрасіць маладых крытыкаў. Традыцыйныя штодзённыя прэс-канферэнцыі і абмеркаванні прагледжаных спектакляў будуць праходзіць у фармаце творчых сустрэч.

Стужка навiн
0