МІНСК, 26 сне — Sputnik. Беларускія навукоўцы могуць прадставіць эксперыментальны ўзор электрамабіля ўласнай распрацоўкі ўжо ў наступным годзе, заявіў напярэдадні старшыня прэзідыума Нацыянальнай акадэміі навук Беларусі (НАН) Уладзімір Гусакоў у эфіры "Сталічнага тэлебачання".
"Працуем над новым аўтамабілем — электрамабілем. Мы лічым, што ў 2017 годзе — Годзе навукі — у нас будзе эксперыментальны ўзор", — сказаў кіраўнік НАН.
Беларусь ужо прымала ўдзел у вытворчасці аўтамабіляў, якія прыводзіліся ў рух у тым ліку з дапамогай і электрацягі — у інжынірынгавыя цэнтры, які размяшчаўся ў Мінску, сабралі чатыры экзэмпляра гібрыднага "Ё-мабіля" у рамках праекта расійскага бізнэсоўца Міхаіла Прохарава. Аднак далей вопытнай партыі справа не пайшла — праект быў зачынены ў 2014-м.
Прэзідэнт Беларусі Аляксандр Лукашэнка 23 снежня падпісаў указ аб абвяшчэнні 2017 года Годам навукі. Ураду дадзена даручэнне зацвердзіць рэспубліканскі план мерапрыемстваў, які будзе садзейнічаць развіццю ў рэспубліцы навуковых школ. Год навукі закліканы павысіць ролю навукі ў выкананні задач сацыяльна-эканамічнага развіцця Беларусі і забяспечыць эканамічны рост краіны.
