МІНСК, 31 сту — Sputnik. Інстытут гісторыі НАН Беларусі даследваў умацаванні замку Жабер у Драгічынскім раёне Брэсцкай вобласці, паведаміў Sputnik кіраўнік экспедыцыі Сяргей Ліневіч.
Паводле яго словаў, архелагічныя даследванні праводзіліся сумесна з дайвінг-цэнтрам "Марскі пегас". Пад час геалагічных даследванняў з дапамогаю сучаснага абсталявання былі выяўленыя значныя анамаліі. Пад адной з іх былі знойдзены мартырныя бомбы і баявы багор.
Сяргей Ліневіч паведаміў, што з дапамогаю архіўных звестак удалося дакладна вызначыць прыналежнасць знаходак да падзей 1706 года, калі замак быў знішчаны войскамі караля Рэчы Паспалітай Станіслава Ляшчынскага, на той час хаўрусніка Карла ХІІ.
Зараз частка знаходак перавезена ў Інстытут гісторыі, а частка яшчэ апрацоўваюцца спецыялістамі. Дарэчы, вага адной мартырнай бомбы дасягае 48 кілаграмаў.
Навуковы кіраўнік экспедыцыі адзначыў, што даследванні будуць працягнутыя каля замка Жабер у хуткім часе.
Гэта ўжо другі этап даследванняў археалагічнага помніка часоў Паўночный вайны. Гэтым разам навукоўцам удалося скласці карту глыбінь вакол замка, па прылеглым рэчышчы ракі Ясельда і былым рвом.
