МІНСК, 9 кас — Sputnik. Дзеянне санкцый Еўрасаюза можа быць прыпынена на чатыры месяцы, паведамляе РІА Новости са спасылкай на агенцтва Reuters.
Па дадзеных агенцтва, будуць прыпыненыя у тым ліку абмежавальныя меры, уведзеныя супраць прэзідэнта Беларусі Аляксандра Лукашэнка. Санкцыі будуць знятыя на чатыры месяцы пасля выбараў у нядзелю, паведамілі дыпламатычныя крыніцы.
"У залежнасці ад дзеянняў Лукашэнка падчас прэзідэнцкіх выбараў, рашэнне па зняцці санкцый на чатыры месяцы будзе прынята ў панядзелак", — прыводзіць агенцтва словы адной са сваёй крыніц у дыпламатычных колах ЕС.
Па дадзеных дыпламатаў, санкцыі будуць прыпыненыя ў дачыненні да 140 асобаў з канца кастрычніка да канца лютага. Тым не менш, ЕС пакіне на разглядзе санкцыі, якія абнаўляюцца кожны кастрычнік на працягу апошніх пяці гадоў. Ваеннае эмбарга застанецца ў сіле, перадае агенцтва.
Выбары прэзідэнта Беларусі прызначаныя на 11 кастрычніка. ЦВК краіны зарэгістраваў чатырох кандыдатаў: дзеючага прэзідэнта Лукашэнкі, лідэра Ліберальна-дэмакратычнай партыі Сяргея Гайдукевіча, лідэра Беларускай патрыятычнай партыі Мікалая Улаховіча і актывістку кампаніі "Гавары праўду!" Таццяну Караткевіч.
