МІНСК, 3 лют — Sputnik. Слабыя маразы чакаюцца ў Беларусі на маючых адбыцца выходных, а на тыдні істотна пахаладае — пасля прыходу з Расіі арктычнага паветра, паведаміў Sputnik у пятніцу начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.
Паводле інфармацыі Гідрамета, у бліжэйшыя два дні надвор'е ў Беларусі будзе вызначаць вобласць павышанага атмасфернага ціску.
"У суботу па паўднёвым усходзе рэспублікі пройдзе снег, уначы па Гомельскай вобласці — моцны, тэмпература ўначы складзе —3..-8°С, па поўначы пры праясненнях да —11°С, днём ад —1 да —7°С", — сказаў Рабаў.
Паводле яго слоў, у нядзелю па паўднёвай Беларусі пройдзе кароткачасовы снег, уначы тэмпература апусціцца да —3..-10°С, днём —1..-8°С.
"Чарговы перыяд марознага надвор'я чакаецца ў Беларусі на наступным тыдні. Уварванне арктычнага антыцыклону на поўнач Еўрапейскай часткі Расіі стане прычынай пахаладання. Да сярэдзіны тыдня начныя маразы стануць "кусацца", — сказаў Рабаў.
Паводле інфармацыі сіноптыка начная тэмпература будзе ў межах —15..-20°С, пры праясненнях да —24°С, па поўначы Беларусі да —28°С; днём будзе крыху цяплей — ад —13 да —18° С, па паўднёвым захадзе рэспублікі —8..-12°С.
