МІНСК, 23 сне — Sputnik. Кошт праезду ў гарадскім грамадскім транспарце падаражэе ў Гродне і вобласці, адпаведнае рашэнне Гродзенскага аблвыканкама апублікавана ў пятніцу на Нацыянальным прававым інтэрнэт-партале.
Тарыф павялічаны на 5 капеек. Жыхары горада будуць плаціць за разавую паездку ў грамадскім транспарце 45 капеек. Раней такая цана за талончык была ўсталявана і ў іншых абласных цэнтрах краіны — у Віцебску, Гомелі і Брэсце.
Кошт разавай паездкі на наземным грамадскім транспарце ў сталіцы павялічаны да 55 капеек, у метро — да 60. У пералічаных рэгіёнах павялічаны таксама тарыфы на правоз багажу і паездкі па вобласці.
Акрамя таго, у Мінску са студзеня з'явяцца новыя віды праязных — на суткі (2 рублі 60 капеек), двое сутак (4,59), трое сутак (6,32). 90-дзённы праязны абыйдзецца ў 9,90 рубля. Такія часовыя праязныя дазваляюць карыстацца грамадскім транспартам у адведзены перыяд неабмежаваную колькасць разоў.
Таксама ў сталіцы з'явіцца праязны на 100 паездак ва ўсіх відах наземнага транспарту, яго кошт складзе 43 рублі 58 капеек. Рашэнне аб павышэнні тарыфаў на праезд у грамадскім транспарце пакуль не прынялі толькі ўлады Магілёўскай вобласці.
