ДАІ: з 25 мая кіроўцы павінны ездзіць з блізкім святлом фар і днём

© Sputnik / Алексей Мальгавко / Перайсці ў медыябанкПешаходны пераход
Пешаходны пераход - Sputnik Беларусь
Падпісацца
У сувязі з заканчэннем навучальнага года c 25 мая па 5 чэрвеня ў рэспубліцы праходзіць комплекснае мерапрыемства “Увага – дзеці!”

МІНСК, 25 мая — Sputnik. У сувязі з заканчэннем навучальнага года і пачаткам летніх канікул Дзяржаўтаінспекцыя праводзіць адмысловае комплекснае мерапрыемства "Увага — дзеці!", паведамілі Sputnik ў прэс-службе УДАІ МУС.

Сёлета дзеці ўжо сталі ўдзельнікамі 65 ДТЗ, у якіх трое (два пасажыры і адзін пешаход) загінулі, 65 атрымалі раненні. Пры гэтым, як адзначылі, у ДАІ 68% дарожна-транспартных здарэнняў здараюцца па віне дарослых.

"У мэтах папярэджання дарожных здарэнняў з удзелам дзяцей з 25 мая па 5 чэрвеня 2015 года ў рэспубліцы пройдзе адмысловае комплекснае мерапрыемства "Увага — дзеці!". У дні правядзення СКМ кіроўцы абавязаны перасоўвацца ў светлы час сутак з уключаным на транспартным сродку блізкім святлом фар! Перш за ўсё, для прыцягнення ўвагі маленькіх пешаходаў да транспартных сродкаў", — распавялі ў прэс-службе.

ДАІ заклікае вадзіцеляў быць вельмі ўважлівымі пры руху паблізу дзіцячых устаноў, праездзе нерэгулюемых пешаходных пераходаў, прыпынкаў грамадскага транспарту і ў дварах.

 Акрамя гэтага, як удакладнілі ў Дзяржаўтаінспекцыі, асаблівая ўвага будзе нададзена прафілактычнай працы з бацькамі.

Супрацоўнікі міліцыі наведаюць працоўныя калектывы, растлумачаць дарослым прычыны і наступствы ДТЗ з удзелам дзяцей, нагадаюць аб правілах бяспечнай перавозкі непаўналетніх, адказнасці за парушэнні ПДР, а таксама неабходнасці асабістага прыкладу правільнага і бяспечнага паводзінаў на дарозе", — падкрэслілі ў Дзяржаўтаінспекцыі.

Стужка навiн
0