МІНСК, 14 жні — Sputnik. У выхадныя ў рэспубліцы захаваецца сухое і цёплае надвор'е, паведаміў Sputnik начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Анамальна гарачае надвор'е пратрымалася ў Беларусі паўтара тыдня: у шэрагу гарадоў былі пабіты тэмпературныя рэкорды, а слупкі тэрмометраў днём рэдка апускаліся ніжэй адзнакі + 30 ° С.
"Нягледзячы на тое што, спякота спала, у бліжэйшы час істотных дажджоў не чакаецца. Пажарная абстаноўка застаецца складанай", — паведаміў Рабаў.
Па словах сіноптыка, у суботу будзе ападкаў. Тэмпература ноччу: ад 6 па поўначы да +16 па поўдні рэспублікі, днём 22 28, месцамі па Брэсцкай вобласці да 30 градусаў.
Нядзеля таксама выдасца без ападкаў, тэмпература ноччу складзе 7-14, удзень — 21-28 градусаў цяпла. У паўднёва-заходніх раёнах ноччу 15-17, удзень — 29-31.
16-17 жніўня на тэрыторыі Брэсцкай вобласці абвешчаны чырвоны ўзровень небяспекі — з-за надзвычайнай пажаранебяспекі.
Напачатку наступнага тыдня тэмпература яшчэ крыху спадзе — да +18-25 градусаў. Па паўднёвым захадзе Беларусі магчыма павышэнне да +27.
