Два беларуса паспрабуюць пражыць тыдзень без наяўных грошай

© Sputnik / Виктор ТолочкоКрэдытная картка
Крэдытная картка - Sputnik Беларусь
Падпісацца
Асацыяцыя беларускіх банкаў і VISA правядуць акцыю “Тыдзень без наяўных”.

МІНСК, 3 вер — Sputnik. Акцыя "Тыдзень без наяўных" пройдзе ў Беларусі 8-14 верасня пры падтрымцы Асацыяцыі беларускіх банкаў і прадстаўніцтва аплатнай сістэмы VISA ў Беларусі і Малдове, паведаміў рэгіянальны менеджэр прадстаўніцтва VISA Ігар Кавалёў.

Нацбанк і ўрад Беларусі не першы год працуюць над павышэннем долі безнаяўных плацяжоў у агульным аб'ёме разлікаў. У рамках зацверджанай у краіне адмысловай праграмы пашыраецца лік банкаматаў і крам, абсталяваных тэрміналамі, а таксама сферы паслуг, дзе можна разлічыцца пластыкавай карткай.

"Пад эгідай Асацыяцыі беларускіх банкаў мы пачнем цікавы эксперымент: два чалавекі правядуць тыдзень, адплачваючыся толькі аплатнай картай", — сказаў Кавалёў падчас мерапрыемстваў у рамках рэспубліканскай акцыі "Твае першыя фінансы", якое прайшло ў чацвер у адной з мінскіх школ.

Яго словы Sputnik прывялі ў Белаграпрамбанку, прадстаўнікі якога прынялі ўдзел у гэтым мерапрыемстве. Па словах Кавалёва, удзельнікамі акцыі стануць два чалавекі. Адзін з іх будзе прадстаўляць Асацыяцыю беларускіх банкаў, другі будзе прадстаўніком беларускіх СМІ. Ім трэба будзе на працягу тыдня расплачвацца за тавары і паслугі толькі пластыкавай карткай, пасля чаго ўдзельнікі акцыі падзеляцца сваімі ўражаннямі і набытым вопытам. Мяркуецца, што на аснове іх заўваг і прапаноў Нацбанк выпрацуе план дзеянняў па паляпшэнню сістэмы безнаяўных плацяжоў у рэспубліцы.

Кавалёў таксама адзначыў, што падобныя акцыі плануецца правесці не толькі ў Беларусі, але і ў іншых краінах СНД, а таксама ў некаторых дзяржавах Усходняй Еўропы.

Стужка навiн
0