“Прайдзісвет” распачаў краўдфандынгавую кампанію

© Sputnik / Дмитрий Донской / Перайсці ў медыябанкВасіль Ліванаў у фільме "Шэрлак Холмс і доктар Ватсан"
Васіль Ліванаў у фільме Шэрлак Холмс і доктар Ватсан - Sputnik Беларусь
Падпісацца
Часопіс перакладной літаратуры запускае акцыю “Выдадзім другую кнігу пра Шэрлака Холмса разам!”.

МІНСК, 6 вер — Sputnik. Выдавецтва збірае грошы на выданне наступнага зборніка пра прыгоды знакамітага дэдэктыва ў перакладзе на беларускую мову- "Нататкі пра Шэрлака Холмса".

Кожны, хто ахвяруе грошы на кнігу, атрымае падарунак. Які — залежыць ад сумы. Напрыклад, за 300 тысяч рублёў можна будзе займець асобнік кнігі з копіяй аўтографа Артура Конана Дойла.

"Дзе камандзе перакладчыкаў-валанцёраў узяць сродкі на падрыхтоўку макету, паперу, працу друкарні, рэдактараў і карэктараў — вось загадка ХХІ стагоддзя, якую не пад сілу вырашыць нават легендарнаму дэтэктыву. Таму вы, чытачы, — сёння нашая адзіная надзея і апора", — кажуць заснавальнікі часопісу.

Гісторыі пра Шэрлака Холмса вось ужо другое стагоддзе захапляюць дзяцей і дарослых ва ўсім свеце. Пра гэта сведчаць шматлікія перавыданні перайманні і экранізацыі — чаго толькі вартыя нядаўнія фільмы Гая Рычы або серыял BBC "Шэрлак", які ўжо стаў культавым. Але гісторыя беларускага Шэрлака Холмса толькі пачынаецца. Давайце створым яе разам!

Апавяданні зборніка "The Memoirs of Sherlock Holmes" абеларушваюць для вас пяць перакладчыц з кола "ПрайдзіСвета" — аматаркі класічных дэтэктываў і віктарыянскай Англіі: Ганна Янкута, Алена Казлова, Кацярына Маціеўская, Алена Пятровіч і Марыя Мартысевіч.

Ахвяраваць часопісу на пераклад можна па спасылцы. 

Стужка навiн
0