Гродзенскую суніцу з пестыцыдамі не пусцілі ў РФ

© Flickr / PRORosmarie Voegtliсуніца
суніца - Sputnik Беларусь
Падпісацца
Дапушчальны ўзровень небяспечных рэчываў у дзвюх партыях ягад быў перавышаны ў 40 і 13 разоў.

МІНСК, 11 вер — Sputnik. Рассельгаснагляд не прапусціў на тэрыторыю Расіі дзве партыі суніцы, вырашчанай у Гродзенскай вобласці, у сувязі з выяўленнем у іх небяспечных пестыцыдаў, паведамілі Sputnik ў прэс-службе расійскага ведамства.

Партыі ягад агульнай вагой каля 2,5 тоны накіроўваліся ў адрас СТАА "Клубніка Плантс", зарэгістраванага ў Маскве.

"Пры правядзенні каранціннага фітасанітарнага надгляду інспектарамі фітасанітарнага нагляду былі адабраны пробы ягад і накіраваныя ў ФГБУ "Бранская МВЛ" для правядзення лабараторных даследаванняў на наяўнасць рэшткавай колькасці пестыцыдаў", — паведамілі ў Рассельгаснаглядзе.

Паводле інфармацыі ведамства, максімальна дапушчальная канцэнтрацыя пестыцыду цыперметрына ў адной партыі была перавышана ў 13 разоў, у другой — у 40.

Цыперметрын ужываецца ў сельскай гаспадарцы для абароны раслін ад шкоднікаў. Прэпарат з'яўляецца сярэднетаксічным для чалавека і жывёл.

Стужка навiн
0