Акрабатка звалілася падчас прадстаўлення ў Белдзяржцырку

© Flickr / AlexБелдзяржцырк
Белдзяржцырк - Sputnik Беларусь
Падпісацца
Артыстка адмовілася ад шпіталізацыі і лечыцца дома.

МІНСК, 29 вер — Sputnik. Акрабатка звалілася падчас выканання трука ў сталічным цырку, пра гэта пішуць карыстальнікі сацыяльных сетак у афіцыйнай суполцы Белдзяржцырка "Укантакце".

Відавочцы сцвярджаюць: дзяўчына ўпала з вышыні каля пяці метраў і адразу страціла прытомнасць. Яе прама з выступу занеслі на насілках.

"У Насці (акрабаткі — Sputnik) удары і лёгкае страсенне мозгу. Ад шпіталізацыі яна адмовілася, зараз знаходзіцца дома. Насця, хутчэйшага выздараўлення!", — паведамілі ў супольнасці цырка.

Занепакоеныя гледачы, якія сталі сведкамі інцыдэнту, жадаюць артыстцы хутчэйшага выздараўлення ў сацыяльных сетках. Адміністрацыя цырка таксама спадзяецца, што акрабатка выздаравее як мага хутчэй.

У чэрвені ў беларускім цырку адбыўся яшчэ адзін інцыдэнт: падчас трука зваліўся з вышыні французскі матацыкліст. Артыст зламаў руку.

Яшчэ адзін выпадак адбыўся ліпені ў Магілёве: падчас цыркавога прадстаўлення з двухметровай вышыні ўпаў слон — на шчасце, ён не пацярпеў.

Стужка навiн
0