МІНСК, 19 кас — Sputnik. Віцэ-прэзідэнт Wargaming па маркетынгу і PR Мікалай Небышынец сыходзіць з кампаніі пасля дзесяці гадоў працы ў ёй, паведаміў ён на сваёй старонцы ў сацсетцы Facebook.
"Нажаль, каб дамагацца вызначаных вышынь, часам патрабуецца прыносіць у ахвяру асабістае жыццё, інтарэсы, уласнае развіццё. Усё гэта высільвае! Разумеючы гэты факт, я прыняў для сябе рашэнне, што павінен спыніцца і змяніць сваё жыццё", — падкрэсліў віцэ-прэзідэнт адной з самых вядомых беларускіх кампаній.
"Апошнія 10 гадоў у Wargaming былі вельмі інтэнсіўнымі для мяне. Я змог прайсці шлях ад неспрактыкаванага PR-спецыяліста, які прыйшоў у малюсенькую кампанію з 20 супрацоўнікаў адразу пасля заканчэння універсітэта, да кіраўніка глабальнага маркетынгу і PR у чатырохтысячнай карпарацыі", — напісаў віцэ-прэзідэнт.
СМІ адзначаюць, што Небышынец быў адным з апошніх рускамоўных топ-мэнэджэраў у асяроддзі гендырэктара Wargaming Віктара Кіслага.
