Лідэр "J:морс" абвесціў дату выхаду новага альбома з неба

© Photo : з афицыйнай старонкі гурта ў "Фэйсбуку"Вокладка новага альбома
Вокладка новага альбома - Sputnik Беларусь
Падпісацца
Гурт "J:морс" 5 лістапада выдасць свой першы за пяць год альбом "Воздух". Уладзімір Пугач абвесціў гэта з планера, які выконваў фігуры найвышэйшага пілатажу.

МІНСК, 29 кас — Sputnik. У альбоме будзе 11 кампазіцый, у тым ліку свежы сінгл "Воздух", які стаў саўндтрэкам да фільма "Ро и Дж". Новы паўнафарматнік "J:морс" выйдзе на кампакт-дысках і ў лічбавай версіі. Спіс песень і вокладку можна пабачыць на сайце інтэрнэт-крамы OZ.by, там жа можна зрабіць папярэднюю замову CD. Канцэртная прэзентацыя адбудзецца 13 лютага ў сталічным Prime Hall.

— Ёсць розныя спосабы адчуць паветра вакол сябе. Напрыклад, адчуць на сабе фігуры найвышэйшага пілатажу ў кабіне планера. А яшчэ можна затаіць дыханне на пяць год, а пасля гэтага зрабіць глыбокі ўдых. Менавіта гэта і зробіць гурт "J:морс" 5 лістапада, калі выйдзе новы альбом "Воздух", — сказаў Пугач.

Папярэдні альбом "J:морс" "Электричество", які змяшчаў сінглы "Мамонов" і "Много неба", выйшаў у лістападзе 2010 года. У падтрымку альбома гурт сыграў два сольных канцэрта ў Палацы спорту і вялікі тур па Беларусі. Пасля гэтага ў 2012-2013 гадах Уладзімір Пугач займаўся сольным праектам "Нафта". Улетку 2014 гурт "J:морс" выдаў складанку рарытэтаў "Фотаздымкі 2003-2014".

Стужка навiн
0