МІНСК, 5 ліс — Sputnik. Каталонская "Барселона" у рамках чацвёртага тура групавой стадыі Лігі чэмпіёнаў без асаблівых праблем узяла верх над барысаўскім БАТЭ з лікам 3:0.
Паядынак паміж чэмпіёнам Беларусі і дзеючым пераможцам ЛЧ адбыўся ў сераду ў сталіцы Каталоніі на стадыёне "Камп Ноў". Першы матч на "Барысаў-Арэне" завяршыўся з лікам 0:2 не на карысць "жоўта-сініх". Галамі ў паядынку 20 верасня вызначыўся харвацкая паўабаронца "сіне-гранатавых" Іван Ракіціч (48-я і 64-я хвіліны).
На "Камп Ноў" у складзе пераможцаў дублем адзначыліся Неймар (30 з пенальці, 83) і Луіс Суарэс (60). Госці ў сваю чаргу за 90 хвілін гульні змаглі тры разы стукнуць у створ варот "сіне-гранатавых".
Пасля чатырох тураў "Барселона" з дзесяццю набранымі ачкамі забяспечыла сабе выхад у плэй-оф ЛЧ. На другім месцы размясцілася "Рома", у якой дзякуючы перамозе над "Байером" сем ачкоў. Трэцім ідуць леверкузенцы з чатырма баламі, замыкаюць квартэт Е барысаўчане — у іх актыве тры ачкі.
