Земфіра завітае ў Мінск з канцэртам

© Sputnik / Евгения Новоженина / Перайсці ў медыябанкПевица Земфира
Певица Земфира - Sputnik Беларусь
Падпісацца
У новы тур расійскай спявачкі, які стартуе ў лютым наступнага года, уключана каля 20 гарадоў.

МІНСК, 5 ліс — Sputnik. Расійская спявачка Земфіра пачне новы тур у лютым 2016 года, паведамляюць расійскія СМІ.

Мінулы тур Земфіры, прымеркаваны да выхаду альбома "Жыть в твоей голове", адбыўся ў 2013 годзе. У спісе выступаў таксама значыўся Мінск — упершыню за некалькі гадоў спявачка наведала беларускую сталіцу.

Новы тур пад назвай "Я маленькі чалавек" прадоўжыцца два месяцы і ахопіць каля 20 гарадоў. Пачнецца ён у Сібіры — 4 лютага Земфіра выступіць у Омску. Таксама яна наведае Мінск і шэраг іншых гарадоў — Вільнюс, Рыгу і Талін. Завершыцца тур 1 красавіка ў Маскве.

Земфіра на сцэне з канца 1990-х гадоў. За гэты час у спявачкі выйшла шэсць студыйных альбомаў. Вядомая яна і працай у якасці кампазітара да фільма "Последняя сказка Риты".

Апошнім часам падчас візітаў Земфіры разам з ёй ездзіць і расійская актрыса і рэжысёр Рэната Літвінава. Яны былі ў Мінску ўжо бягучай восенню.

Стужка навiн
0