МІНСК, 27 ліс — Sputnik. Сіноптыкі папярэдзілі аб складаных умовах надвор'я ў бліжэйшую нядзелю.
У суботу надвор'е істотна не зменіцца, будзе пераважна без ападкаў, тэмпература паветра мінімальная ноччу 2 —8 марозу, месцамі да 12, максімальная днём ад —3 да +2.
"У нядзелю надвор'е кардынальна зменіцца — з Чорнага мора, будзе падымацца актыўны атмасферны фронт і прынясе снег, мокры снег, па ўсходняй палове з дажджом. Месцамі наліпанне мокрага снегу, туман, галалёд", — паведаміў Sputnik у пятніцу начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
У гэты дзень на дарогах чакаецца галалёдзіца, тэмпература паветра мінімальная ноччу ад 0 да —7, максімальная днём ад —3 да +3, сказаў сіноптык, папярэдзіўшы, што абстаноўка на дарогах будзе складанай для аўтатранспарту.
"У панядзелак чарговы актыўны фронт, толькі ўжо з Заходняй Еўропы прынясе на большую частку тэрыторыі кароткачасовы снег, мокры снег, днём з дажджом. Тэмпература паветра мінімальная ноччу ад —4 да +2, максімальная днём 0-+6", — паведаміў сіноптык.
Каляндарная зіма пачнецца з цёплай, але пагоды, сказаў Рабаў.
