Не только Дэпардзье – у Мінск прыедзе П’ер Рышар

© Flickr / Alexey NovitskyП'ер Рышар
П'ер Рышар - Sputnik Беларусь
Падпісацца
Акцёр едзе не дзеля прызнання ў каханні беларускай зямлі, а з монаспектаклем.

МІНСК, 9 сне — Sputnik. П'ер Рышар прыедзе ў Мінск з монаспектаклем "П'ер Рычард ІІІ" 19 лютага. На сцэне КЗ "Мінск" ён прадставіць гісторыю, заснаваную на эпізодах з уласнага жыцця.

"П'ер Рычард ІІІ" — гэта спектакль-успамін Рышара аб яго дзейнасці ў кіно і самых пацешных, амаль неверагодных выпадках, якія адбываліся з ім і яго сябрамі на здымачнай пляцоўцы.

Рышара пазнаем — ён зноўку выступіць у звыклам жанры французскай камедыі, гэтым разам жартаваць будзе над самім сабой. Артыст прадставіць публіцы лёгкую французскую камедыю, тонкую, іранічную і разам з тым вельмі шчырую і душэўную.

Досціп Рышара і яго светлы, шмат у чым рамантычны погляд на жыццё, створаць асаблівую, камерную атмасферу даверу і выгоды ў зале.

Гэты спектакль адрозніваецца ад многіх, прычым не толькі ўдзелам у ім вялікага класіка. Гэтым вечарам гледачы змогуць згуляць разам з акцёрам і стаць часткай дзіўнай тэатральнай фантазіі і выйсці да акцёра на сцэну. Для гэтага трэба будзе прыйсці на спектакль у вопратцы 70-80-х гг. Мэбля, антыкварыят, старыя маркі аўтамабіляў, інтэрактыўныя звароты ў мінулае і таматавы сок у спецыяльных шкляначках — так глядач будзе настальгіраваць разам з акцёрам па эпохе.

За больш чым паўвекавую кар’еру П’ер Рышар зняўся амаль у 80 фільмах, сярод якіх найбольш папулярнымі сталі “Цацка”, “Няўдачлівыя”, “Налева ад ліфта”, “Уцекачы”. Акрамя гэтага, нярэдка Рышар выступаў у ролі рэжысёра, сцэнарыста і прадзюсара кінастужак.

Спектакль будзе ісці на французскай мове з сінхронным перакладам.

Спектакль ідзе на французскай мове з сінхронным перакладам. Працягласць 01.30. П’ер Рышар ў монаспектаклі “П’ер Рычард III” 19 лютага ў КЗ “Мінск”. Пачатак а 19-й кошт квіткоў – 350 тыс. – 1 550 тыс. Руб.

Стужка навiн
0