МІНСК, 4 сту — Sputnik. З нагоды рэлізу каляднай сарыі пра Шэрлака Холмса — "Агідная нявеста" — Sputnik разабраўся, чым занятыя беларускія прыватныя дэтэктывы і ці дазваляе ім гэты занятак заканадаўства.
О, эти глаза. #НОЧЬШЕРЛОКА pic.twitter.com/BxlHSggxhN
— Evelina Evans (@EvelinaEvanss) 3 января 2016
Пачнем з расчараванняў — прыватны вышук быў фактычна ліквідаваны на Беларусі Дэкрэтам прэзідэнта "Пра меры ўдасканалення ахоўнай дзейнасці". Незаконнае збіранне або распаўсюд інфармацыі аб прыватным жыцці можа прывесці да адказнасці ў тым выпадку, калі гэтыя дзеянні прыводзяць да пэўных наступстваў альбо калі мае месца выкарыстанне для збору інфармацыі спецыяльных тэхнічных сродкаў.
Скажам, пацярпелы — няверны муж — заявіць аб парушэнні сваіх правоў з прычыны разводу (і суд прыме гэта акалічнасць пад увагу) альбо ў прыватнага шпіка будуць выяўленыя прыхаваная відэакамера. Калі шпік падслухоўвае тэлефонныя размовы або чытае перапіску, магчымая адказнасць па артыкуле "Парушэнне таямніцы перапіскі, тэлефонных перамоваў, паведамленняў".
Між тым, карэспандэнт Sputnik натрапіла на шматлікія прапановы паслугаў прыватных дэтэктываў у сеціве, але ж уступаць у доўгія размовы пра юрыдычныя аспекты сваёй дзейнасці тыя адмаўляюцца, а для сувязі звычайна пакідаюць Skype ці адрас электроннай скрыні.
Некаторыя агенцтвы, як, напрыклад, detego.by, зарэкамендоўваюць сябе як этычна бездакорныя — бяруцца вуыключна за справы па пошуку зніклых сваякоў, ды толькі ў тым выпадку, калі тыя не збеглі самавольна. Правяраюць жыллё на наяўнасць падслухоўваючых прыладаў ды займаюцца іншай дабрачыннасцю.
Акрамя падобных справаў, агенцтва займаецца і назіраннем.
"Вонкавае назіранне дазваляе даведацца, як жыве той ці іншы чалавек, як ён праводзіць час, з кім мае зносіны, куды ходзіць і многае іншае", — тлумачаць у агенцтве.
Яшчэ адно агенцтва актыўна бярэцца за вырашэнне сямейных праблемаў. Тут абяцаюць усебаковую дапамогу — "выяўленне і вывучэнне прычын і ўмоў узнікнення канфліктных сітуацый, сварак і паводзін членаў сям'і, вывучэнне і аналіз ладу жыцця членаў сям'і і блізкіх сваякоў, аказанне дапамогі бацькам: назіранне за падлеткам, ўсталяванне круга зносін, аналіз паводзінаў падлетка".
Кошты сярэднія для ўсіх агенцтваў. Вышук чалавека, у выпадку, калі ён не з'ехаў за межы Беларусі, абыйдзецца прыкладна ў 150 даляраў. Збор інфармацыі, праверка пашпартных і біяграфічных дадзеных, уключаючы сямейнае становішча, каштуе каля 500 даляраў.
