Беларускія курцы будуць фінансаваць медыцыну і дзяцінства

© Sputnik / Сергей Венявский / Перайсці ў медыябанкВытворчасць цыгарэт
Вытворчасць цыгарэт - Sputnik Беларусь
Падпісацца
Прэзідэнт ухваліў павышэнне акцызаў на цыгарэты прэміум-класа, запатрабаваўшы, каб дадатковыя даходы былі накіраваны на развіццё аховы здароўя і падтрымку дзяцінства.

МІНСК, 22 лют — Sputnik. Прэзідэнт Беларусі Аляксандр Лукашэнка ўхваліў прапанову ўрада аб павышэнні акцызаў на тытунёвыя вырабы прэміум-класа, паведамілі Sputnik у прэс-службе кіраўніка дзяржавы.

У панядзелак Лукашэнка з удзелам урада праводзіў нараду па пытаннях рэалізацыі ў 2016 годзе падатковай і акцызнай палітыкі.

"Прапанаванае павышэнне акцызаў на тытунёвыя вырабы прэміум-класа Аляксандр Лукашэнка ўхваліў, дадаўшы, што яно будзе нязначным, а грошы, якія паступяць у бюджэт, пойдуць на развіццё аховы здароўя, спорту, падтрымку дзяцінства", — праінфармавалі ў прэс-службе па выніках нарады.

Там таксама адзначылі, што на нарадзе разглядаліся пытанні павышэння акцызаў на паліва.

"Адно з пытанняў датычылася павышэння акцызаў на паліва без росту штучных коштаў. Прапануюцца кампенсацыйныя меры для нафтаперапрацоўчых заводаў. Прэзідэнт адзначыў, што не супраць такога кроку, але паставіў умову, каб гэта не закранула насельніцтва", — паведамілі ў прэс-службе.

Паведамляецца, што ў бліжэйшы час прэзідэнт падпіша прапанаваныя ўрадам прававыя акты, якія прадугледжваюць крокі для вырашэння праблем у эканоміцы, за выключэннем навэл, якія не знайшлі падтрымкі ў кіраўніка дзяржавы.

Стужка навiн
0