"Юбілейны тыдзень" Крапівы на Беларускім радыё

© Flickr / Alan LevineРадыёпрыёмнік
Радыёпрыёмнік - Sputnik Беларусь
Падпісацца
З нагоды 120-годдзя з дня нараджэння класіка беларускай літаратуры слухачам будуць прадстаўлены радыёспектаклі і пастаноўкі паводле яго твораў.

МІНСК, 24 лют — Sputnik. З 29 лютага па 7 сакавіка ў эфіры Першага нацыянальнага канала Беларускага радыё — "Юбілейны тыдзень" народнага пісьменніка Беларусі Кандрата Крапівы.

Тэатр імя Янкі Купалы - Sputnik Беларусь
Веры Пола 115 – "Юбілейны тыдзень" на беларускім радыё

На працягу "Юбілейнага тыдня" ў 22.05 у "Тэатры Беларускага радыё" прагучаць наступныя радыёкампазіцыі спектакляў Нацыянальнага акадэмічнага тэатра імя Янкі Купалы паводле п'ес Кандрата Крапівы: 29 лютага і 1 сакавіка — "Партызаны", 2 і 3 сакавіка — "Людзі і д'яблы", 4 і 5 сакавіка — "Брама неўміручасці", 6 і 7 сакавіка — "Хто смяецца апошнім".

Жыццё і актыўная грамадская дзейнасць Кандрата Крапівы — гэта адначасова і значная частка гісторыі нашай краіны. Кандрат Атраховіч (сапраўднае імя пісьменніка) з'яўляўся ўдзельнікам яшчэ Першай сусветнай вайны, а ў Вялікую Айчынную ствараў з паплечнікамі газету "За Савецкую Беларусь" і сатырычны агітплакат "Раздавім фашысцкую гадзіну". Пасля вайны працаваў дырэктарам Інстытута мовы і літаратуры АН БССР, а пазней — віцэ-прэзідэнтам Акадэміі навук.

Кандрат Крапіва - Sputnik Беларусь
Чатыры вайны і дзве лякарні Кандрата Крапівы

Творчасць Кандрата Крапівы — з'ява ўнікальная і адметная для беларускай літаратуры. Гэта байкапісец такога ўзроўню, як Эзоп — для антычнай літаратуры, Лафантэн — для французскай і Крылоў — для рускай. Напэўна, немагчыма знайсці беларуса, які не ведаў хоць бы адной байкі Кандрата Крапівы. Акрамя таго, гэта выдатны драматург і сатырык, які мог як высмеяць чалавечыя заганы ў сваіх п'есах "Хто смяецца апошнім" і "Брама неўміручасці", так і стварыць лірычную камедыю "Пяюць жаваранкі".

Стужка навiн
0