Мінфін чуткі пра павышэнне ПДВ на паслугі сувязі не каментуе

© Flickr / yisrisМабільны тэлефон
Мабільны тэлефон - Sputnik Беларусь
Падпісацца
У фінансавым ведамстве не гатовыя пацвердзіць або абвергнуць інфармацыю аб павышэнні ПДВ для мабільных аператараў і "Белтэлекама" да 25%.

МІНСК, 29 лют — Sputnik. У міністэрстве фінансаў не каментуюць чуткі, якія распаўсюдзіліся ў беларускіх СМІ, пра павышэнне ў бліжэйшы час падатку на даданую вартасць для мабільных аператараў і дзяржаўнага аператара паслуг электрасувязі кампаніі "Белтэлекам" да 25%.

Як паведамляюць выданні, спасылаючыся на крыніцу на рынку мабільнай сувязі, уладамі ўжо нібыта прынята рашэнне пра павышэнне ПДВ на паслугі сувязі да 25%. Як мяркуецца, у бліжэйшы час будзе падпісаны адпаведны нарматыўны акт.

"Мінфін з гэтай нагоды нічога не каментуе", — паведамілі Sputnik ў ведамстве.

Разам з тым раней у Мінфіне адзначалі, што ўрад рыхтуе комплекс мер па карэкціроўцы і аптымізацыі бюджэту. Чакаецца, што гэтая карэктоўка будзе прадпрынята ў другім квартале бягучага года. Разам з тым у Мінфіне, які з'яўляецца асноўным ініцыятарам мер падатковай палітыкі, не ўдакладнілі, якія менавіта гэта могуць быць меры.

Раней у Байнэце актыўна абмяркоўваўся праект нейкага нарматыўнага акту аб увядзенні ў Беларусі падатку на мабільную сувязь у памеры 10%. У Мінфіне тады гэтую інфармацыю таксама не каментавалі, адзначыўшы пры гэтым, што разглядаюцца самыя розныя варыянты карэкціроўкі бюджэту.

Зараз у Беларусі ПДВ на паслугі сувязі ў памеры 20% аплачваюць абаненты — падатак уключаны ва ўсе тарыфы. У выпадку, калі ПДВ будзе павышаны, а дазволу на адпаведнае павышэнне тарыфаў дзяржава не дасць, аплачваць дадатковыя выдаткі будуць аператары электрасувязі.

Стужка навiн
0