МІНСК, 17 сак — Sputnik. Варшава прыме Гранд-фінал-2016 Wargaming.net League у красавіку, паведамілі Sputnik у прэс-службе кампаніі Wargaming.
"Найбуйнейшы кіберспартыўны турнір года адбудзецца 8-9 красавіка ў Варшаўскай арэне "Торвар" і абяцае стаць самым грандыёзнай падзеяй у гісторыі лігі", — распавялі ў кампаніі.
Суразмоўцы агенцтва дадалі, што за званне мацнейшых будуць змагацца 12 каманд з усяго свету. Прызавы фонд турніру — 300 тысяч даляраў. Фармат спаборніцтваў, як заўважылі ў кампаніі, будзе новым. У прыватнасці, упершыню ў гісторыі Гранд-фіналаў прафесійныя кіберспартоўцы адправяцца ў бой на танках 10 узроўню.
"Гранд-фінал-2016 адкрые свае дзверы 8 красавіка, у пятніцу, а 10-й гадзіне, а апоўдні стартуюць гарачыя танкавыя бітвы групавой стадыі. 9 красавіка, у суботу, а 12-й пачнуцца матчы плэй-оф, у якіх каманды будуць змагацца за перамогу на шляху да вырашальнай вячэрняй бітве", — дадалі ў Wargaming, звярнуўшы ўвагу, што ў рамках мерапрыемства будзе праведзена матч-шоу па World of Warships.
Арганізатары паабяцалі масу сюрпрызаў заўзятарам і гледачам Гранд-фіналу.
