МІНСК, 30 сак — Sputnik. Прэзідэнт Беларусі Аляксандр Лукашэнка выказаў спачуванні ў сувязі са смерцю народнага паэта Беларусі Ніла Гілевіча яго родным, паведамілі Sputnik у прэс-службе беларускага лідэра.
Гілевіча не стала 29 сакавіка 2016 года на 85-м годзе жыцця. Ён быў апошнім, хто насіў званне Народнага паэта ў нашай краіне.
"Творчасць Ніла Гілевіча блізка чытачам розных пакаленняў і па праву займае асаблівае месца ў айчыннай літаратуры. У яго паэзіі знайшлі адлюстраванне высокія маральныя ідэалы, любоў да радзімы, павага да народа", — падкрэсліў Лукашэнка.
Прэзідэнт выказаў упэўненасць, што памяць аб Гілевічы як аб адным з яркіх майстроў слова захаваецца ў сэрцах прыхільнікаў беларускай літаратуры.
Развітанне з паэтам пройдзе 1 красавіка ў Свята-Петра-Паўлаўскім саборы Мінска, Гілевіча пахаваюць на Кальварыйскіх могілках.
