Жыхар Дзятлава намаляваў сваёй крывёю пентаграму на дзвярах царквы

© Flickr / kate mccarthyПентаграма
Пентаграма - Sputnik Беларусь
Падпісацца
У дачыненні да маладога чалавека, які растлумачыў, што яго прыцягваюць сатанінскія рытуалы, распачата крымінальная справа па артыкуле "хуліганства".

МІНСК, 1 кра — Sputnik. Супрацоўнікі міліцыі затрымалі ў Дзятлаве вандала, які на дзверы Праабражэнскай царквы намаляваў сваёй крывёю пентаграму, паведамілі Sputnik ва УУС Гродзенскага аблвыканкама.

Інцыдэнт адбыўся познім вечарам: мужчына пракраўся на тэрыторыю рэлігійнай установы і выявіў на яго ўваходзе крывёю перавернутую зорку ў замкнёным коле.

"Як патлумачыў падазраваны, у бога ён не верыць, а сатанінскія рытуалы самі па сабе яго прыцягваюць", — сказалі ва УУС.

Там таксама паведамілі, што раней малады чалавек да адказнасці не прыцягваўся. Паводле звестак міліцыі, у дачыненні да 30-гадовага жыхара Дзятлава ўзбуджана крымінальная справа па артыкуле "Хуліганства".

Стужка навiн
0