МІНСК, 10 кра — Sputnik. Паляўнічы-нелегал, які забіў у Палескім радыелагічным запаведніку лася, будзе абавязаны кампенсаваць дзяржаве 169 мільёнаў рублёў, паведамілі Sputnik у Дзяржаўнай інспекцыі аховы жывёльнага і расліннага свету пры прэзідэнце.
Інспектары Мазырскай міжрайінспекцыі выявілі па месцы жыхарства мужчыны 66 кілаграмаў свежай ласіны.
"Злоўлены на месцы злачынства браканьер прызнаўся ў незаконным паляванні і паказаў месца здабычы лася — у 20 кіламетрах ад Хойнікаў на тэрыторыі Палескага дзяржаўнага радыяцыйна-экалагічнага запаведніка", — сказалі ў інспекцыі.
Там жа, у лесе, у спецыяльным схроне парушальнік схаваў незарэгістраванае ружжо, з дапамогай якога было здабыта жывёла.
Паводле дадзеных інспекцыі, астанкі жывёлы браканьер скінуў у балота. У дачыненні да паляўнічага-нелегала ўзбуджаная крымінальная справа.
У інспекцыі ўдакладнілі, што за незаконную здабычу лася ў зоне радыеактыўнага забруджвання мужчыне давядзецца пакрыць 189 мільёнаў рублёў, зараз парушальнік знаходзіцца ў ізалятары Хойніцкага РАУС.
