Фільм "Зорныя войны: Абуджэнне сілы" перамог на MTV Movie Awards

© REUTERS / Kevork DjansezianРэжысёр Джэй Джэй Абрамс на MTV Movie Awards
Рэжысёр Джэй Джэй Абрамс на MTV Movie Awards - Sputnik Беларусь
Падпісацца
Лепшым акцёрам, па версіі MTV, быў прызнаны Леанрада Ды Капрыа, які сыграў у карціне "Выжыўшы".

МІНСК, 11 кра — Sputnik. Фільм "Зорныя войны: Абуджэнне сілы" заваяваў галоўную ўзнагароду прэміі MTV Movie Awards, юбілейную, 25-ю, цырымонію ўручэння якой трансляваў тэлеканал MTV.

Кінаўзнагарода MTV Movie Awards у выглядзе залатых шклянак папкорна ўручаецца штогод па выніках народнага інтэрнэт-галасавання. Характэрна, што цырымонія запісваецца напярэдадні, але паказваецца на тэлеэкране толькі праз суткі.

Фільм Джэй Джэй Абрамса "Зорныя войны: Абуджэнне сілы" абышоў у гэтай катэгорыі такія карціны як "Мсціўцы: эра Альтрона", "Крыд: спадчына Рокі", "Дэдпул", "Свет Юрскага перыяду" і "Голас вуліц".

"Голас вуліц" узяў узнагароду ў катэгорыі "праўдзівая гісторыя", куды арганізатары прэміі таксама аднеслі фільмы "Абаронца", "Джой", біяграфічную стужку пра заснавальніка кампаніі Apple &"Стыў Джобс", "Гульня на паніжэнне" і "Выжыўшы".

Герой "Выжыўшы", уладальнік доўгачаканага Оскара Леанрада Ды Капрыа таксама апынуўся улюбёнцам аўдыторыі MTV, адваяваў сваю шклянку поп-корна ў Крыса Прэта, Мэта Дэймана, Майкла Б. Джордана, Раяна Рэйнальдса і Уіла Сміта.

Лепшай актрысай мінулага года стала Шарліз Тэрон за ролю ў фільме "Вар'яцкі Макс: Дарога лютасці", яна прысвяціла ўзнагароду дачцэ і ўсім тым жанчынам, што змагаецца за сваё месца ў жыцці. Канкурэнцыю акторцы ў гэтай катэгорыі склалі Алісія Вікандэр, Ганна Кендрыка, Дэйзі Рыдлі, Марэна Бакарын і Джэніфер Лоўрэнс. Апошняя атрымала ўзнагароду за дасягненні ў катэгорыі "лепшы герой" за працу ў карціне "Галодныя гульні". Лепшым экранным злыднем стаў Адам Драйвер з "Зорных войнаў".

Стужка навiн
0