Мінгарвыканкам даў адтэрміноўку на адключэнне гарачай вады

© Sputnik / Алексей Мальгавко / Перайсці ў медыябанкСезоннае адключэнне гарачай вады
Сезоннае адключэнне гарачай вады - Sputnik Беларусь
Падпісацца
У сувязі з прадаўжэннем ацяпляльнага сезона сталічныя ўлады перанеслі першыя тэрміны адключэння гарачага водазабеспячэння на няпэўны час.

МІНСК, 19 кра — Sputnik. Адключэнне гарачай вады, якое планавалася пачаць 18 красавіка, пакуль праводзіцца не будзе.

"У сувязі з тым, што ацяпляльны сезон для першай катэгорыі спажыўцоў не завершаны, адключэнне на прафілактычны рамонт спажыўцоў зоны цеплазабеспячэння ад Міні-ЦЭЦ па вул. Пуцілава, 3а, з 18 красавіка 2016 года праводзіцца не будзе", — паведамілі ў Мінгарвыканкаме.

Раней паведамлялася, што ў мінчукоў, якія жывуць на вуліцах Гурц'ева, Пуцілава, Фогеля, а таксама ў навучальных карпусах і санчастцы Ваеннай акадэміі гарачае водазабеспячэнне будзе адключана ўжо з 18 красавіка.

Пра новыя тэрміны адключэння гарачай вады ў гэтым раёне сталічныя ўлады абяцаюць паведаміць дадаткова. У любым выпадку, запэўнілі ў мэрыі, скарэкціраваныя тэрміны адключэння цеплазабеспячэння не перавысяць 14 сутак.

Стужка навiн
0