МІНСК, 21 кра — Sputnik. Праца віртуальных табло на прыпыначных пунктах у сталіцы адноўлена, паведамілі Sputnik ў ДУ "Мінсктранс" у чацвер.
Табло на прыпынках адключыліся ў аўторак 19 красавіка. Тады ў "Мінсктрансе" гэта патлумачылі тэхнічнымі непаладкамі і паабяцалі паправіць. Ва ўстанове адзначылі, што складанасць палягае ў тым, што сістэмны адміністратар, які адказвае за функцыянаванне табло, знаходзіцца ў адпачынку.
"Праца онлайн-сэрвісу "Віртуальнае табло на прыпыначных пунктах" адноўлена. Электронныя табло на прыпыначных пунктах працуюць у штатным рэжыме", — сказалі ў "Мінсктрансе".
Там таксама прынеслі мінчанам прабачэнні за часовыя нязручнасці.
Першае электроннае табло было ўстаноўлена ў Мінску ў 2014 годзе. Прыстасаванне дазваляе ў рэальным часе сачыць за раскладам грамадскага транспарту. Зараз у сталіцы каля дзвюх тысяч прыпынкаў транспарту, прыблізна на 130 з іх устаноўлены віртуальныя табло.
