Шамко пра медальныя планы на Алімпіяду-2016: куранят палічым увосені

© Sputnik / Роман ШантарМіністр спорта і турызма Беларусі Аляксандр Шамко
Міністр спорта і турызма Беларусі Аляксандр Шамко - Sputnik Беларусь
Падпісацца
На сённяшні дзень 104 беларускія спартоўцы выканалі кваліфікацыйныя патрабаванні для ўдзелу ў Алімпіядзе-2016 у 19 відах спорту, 73 відах праграмы.

МІНСК, 27 кра — Sputnik. Міністр спорту і турызму Беларусі Аляксандр Шамко не стаў рабіць прагнозаў адносна колькасці медалёў, якія могуць быць заваяваны беларускімі атлетамі на Алімпіядзе-2016 у Рыа-дэ-Жанэйра, паведамілі Sputnik ў прэс-службе ведамства.

Напярэдадні ў Мінску адбылося ўрачыстае адкрыццё электроннага табло, які вядзе зваротны адлік да старту Гульняў. Стэла "Алімпійскі час" была ўстаноўлена ў цэнтры беларускай сталіцы, каля Палаца спорту.

"Алімпійскія гульні — гэта вялікае яскравае спартыўнае свята, якое з нецярпеннем чакае ўсё чалавецтва. Але гэта яшчэ і велізарнае выпрабаванне фізічных і маральных сіл, фінал напружанай працы вялікага калектыву людзей. Саміх атлетаў, іх трэнераў, навуковага і медыцынскага персаналу, федэрацый па відах спорту, рэгіёнаў і, вядома ж, Нацыянальнага алімпійскага камітэта і Міністэрства спорта і турызма", —  адзначыў Шамко на адкрыцці.

Разам з тым, міністр не стаў прагназаваць, колькі медалёў заваююць беларусы ў Рыа, зазначыўшы, што прагнозы — справа няўдзячная і часта неабдуманя.

"Для нас сёння, вядома, важна, колькі ліцэнзій заваююць нашы спартсмены, але куды важней, каб цяпер яны не траўміраваліся і да Гульняў падышлі на піку фізічнай формы, а куранят палічым увосені", — адзначыў Шамко.

Паводле дадзеных Мінспорту, на сённяшні дзень 104 беларускія спартоўцы выканалі кваліфікацыйныя патрабаванні для ўдзелу ў Алімпіядзе-2016 у 19 відах спорту, 73 відах праграмы. Чакаецца, што на Гульні кваліфікуюцца яшчэ каля 40 атлетаў. Розыгрыш пуцёвак у Рыа завершыцца ў ліпені.

Летнія Алімпійскія гульні ў Рыа-дэ-Жанэйра пройдуць з 5 па 21 жніўня.

Стужка навiн
0