Новыя музычныя праекты з'явяцца ў Верхнім горадзе

Тбілісоба ў Мінску
Тбілісоба ў Мінску - Sputnik Беларусь
Падпісацца
Гістарычны цэнтр Мінска ператвараецца ў гарадскі культурны асяродак, зручны не толькі для канцэртаў, вулічных фестываляў і выстаў, але і для гістарычных рэканструкцый і нават правядзення дзён нацыянальных культур.

МІНСК, 17 мая — Sputnik. Два новых музычных праекты плануюць рэалізаваць сёлета на тэрыторыі Верхняга горада, паведамілі ў панядзелак на сайце Мінгарвыканкама.

Час правядзення новых праектаў яшчэ не названа, аднак ужо зацверджана іх канцэпцыя.

Першы музычны праект — "Яны праславілі Беларусь". Тут у выкананні вядомых музыкаў будзе гучаць музыка Уладзіміра Мулявіна, Міхала Клеафанса Агінскага, Яўгена Глебава і іншых вядомых беларускіх кампазітараў.

Другі праект — фестываль дзіцячых і юнацкіх духавых аркестраў. У праграмах возьмуць удзел калектывы з рэгіёнаў Беларусі, а таксама суседніх краін — Расіі, Польшчы, Літвы.

У мінулым годзе ў Верхнім горадзе паспяхова прайшло грузінскае свята "Тбілісоба". А сёлета падобныя дні нацыянальных культур тут плануюць арганізаваць восем грамадскіх нацыянальных аб'яднанняў.

"Сёння гэта культурная прастора, дзе створаны ўсе неабходныя ўмовы для правядзення канцэртаў, выстаў, гістарычных рэканструкцый і іншых мерапрыемстваў. Чацвёрты год на тэрыторыі Верхняга горада ў маі адкрываецца летні музычна-турыстычны сезон, у межах якога адбываюцца канцэрты, фестывалі, тэматычныя праграмы, якія адлюстроўваюць гісторыю горада, выставы майстроў народнай творчасці ", — падкрэсліла першы намеснік начальніка галоўнага ўпраўлення ідэалагічнай работы, культуры і па справах моладзі Мінгарвыканкама, начальнік упраўлення культуры Віталіна Рудзікава.

Таксама сёлета зноў адбудуцца вечары джазавай і класічнай музыкі ў Ратушы. Запланавана "вяртанне" і іншых ўпадабаных беларусамі мерапрыемстваў.

Стужка навiн
0