Відэа

"Казкі нанач": беларускіх лялек паказалі на выставе ў Баку

Падпісацца
Лялькі вядомай ва ўсім свеце майстрыцы Галіны Дзмітрук былі прадстаўлены на выставе лялек пад назвай "Казкі нанач" у музейным цэнтры ў Баку. Глядзіце на відэа, як выглядаюць незвычайныя беларускія лялькі.

Мастачка доўга рыхтавалася да першай персанальнай выставы, перадае Sputnik Азербайджан. Адмыслова да яе яна стварыла калекцыю ўсходніх прыгажунь з імёнамі Дэніз, Аміна, Марьям, Бэла, Сара, Айлін, Севілья. Усяго беларуская майстрыца прывезла ў Баку дзевяць работ.

"Я закахалася ў Баку — у гэты цёплы, яркі, добры, вабны да сябе горад. Таму сваю выставу, да якой рыхтавалася цэлы год, унікаючы ў кожную дробязь, я прысвяціла азербайджанскім жанчынам. Я раблю лялек з азербайджанскім каларытам, з прыгожымі карымі вачыма, доўгімі чорнымі вейкамі, шыкоўнымі валасамі", — адзначыла суразмоўца агенцтва.

Лялькі беларускай майстрыцы валодаюць эмоцыямі, маюць свой унутраны свет. Майстрыца неахвотна расказвае пра свае працы, спасылаючыся на тое, што працы самі гавораць за сябе.

"Вобразы лялек сталі нараджацца ў маёй галаве. Больш за тое, я не малюю эскіз, не планую нічога, а проста пачынаю працу над чарговай лялькай і паступова надзяляю яе сімваламі, значэннямі", — распавяла Дзмітрук.

Беларуская мастачка ўжо стварыла каля 130 інтэр'ерных лялек, некаторыя з іх знаходзяцца ў прыватных калекцыях многіх краін свету, у тым ліку і ў Азербайджане.

Стужка навiн
0