МІНСК, 19 мая —Sputnik. Злачынная групоўка, якая займалася гандлем выбуховых рэчываў, затрыманая ў Ніжнесілезскім ваяводстве Польшчы, перадае польскі тэлеканал TVN24.
Паліцыя затрымала трох мужчын па падазрэнні ў гандлі выбухоўкай. Падчас ператрусу ў гаражы аднаго з падазраваных было знойдзена 115 кілаграмаў трацілу, а таксама 15 кілаграмаў выбухоўкі і зброю.
Іншыя дэталі не паведамляюцца, вядома толькі, што ўзрост затрыманых ад 20 да 48 гадоў.
Як перадае агенцтва, мужчынам пагражае да васьмі гадоў турэмнага зняволення.
