Мінчанка зазірнула ў банк за латарэйным білетам і сышла з чужымі € 6 тыс.

© REUTERS / Leonhard FoegerПачка банкнот
Пачка банкнот - Sputnik Беларусь
Падпісацца
Супрацоўнікі крымінальнага вышуку здолелi аператыўна ўсталяваць асобу 55-гадовай жанчыны, па факце здзяйснення крадзяжу распачата справа.

МІНСК, 24 мая — Sputnik. Праваахоўнымі органамі Мінска ўзбуджаная крымінальная справа ў дачыненні да жыхаркі сталіцы, якая прысвоіла 6 тысяч еўра, забытыя кліентам у аддзяленні банка, паведамілі Sputnik ў ГУУС Мінгарвыканкама. Раней у міліцыю звярнуўся малады чалавек, які заявіў, што днём прыйшоў у адно з аддзяленняў банка, каб абмяняць валюту, і забыўся каля акенца касы поліэтыленавы пакет з буйной сумай. Пры гэтым калі ён выявіў прапажу і вярнуўся ў банк, пакета там ужо не было.

"Падчас правядзення аператыўна-вышуковых мерапрыемстваў супрацоўнікамі крымінальнага вышуку была ўстаноўлена асоба жанчыны, якая забрала пакет з грашыма. Ёю аказалася 56-гадовая мінчанка", — сказалі ў ГУУС.

Паводле інфармацыі сталічнай міліцыі, жанчына патлумачыла, што ў той дзень яна адправілася ў бібліятэку вярнуць кнігі, а па дарозе вырашыла зайсці ў аддзяленне банка, каб купіць латарэйны білет. У акенца касіра мінчанка звярнула ўвагу на пакет з грашыма, яна забрала яго і пакінула аддзяленне.

У ГУУС адзначылі, што ў дачыненні да жанчыны па факце здзяйснення крадзяжу ўзбуджана крымінальная справа па арт. 205 Крымінальнага кодэкса Беларусі.

Стужка навiн
0