Інстытут біяхіміі: мы маглі б прынесці краіне добрыя грошы

© Sputnik / Елена ВасильеваСтэнд Інстытута біяхіміі
Стэнд Інстытута біяхіміі - Sputnik Беларусь
Падпісацца
Экспазіцыя Інстытута біяхіміі на выставе "Белагра-2016" апынулася ў нейкай ступені "травяным" залатым рэзервам краіны – на жаль, пакуль неманітазаванным.

МІНСК, 8 чэр — Sputnik. Сярод яркіх экспазіцый выставы "Белагра-2016" стэнд Інстытута біяхіміі здаецца стрыманым і сціплым, як выдатнік, які трапіў у шэрагі чырлідэраў. На вітрыне прадстаўлены ўзоры экстрактаў лекавых раслін і антацыяны, выдзеленыя з ягад. Усё гэта не вырабляецца ў Беларусі, затое ў вялікіх аб'ёмах імпартуецца з-за мяжы.

Абследванне - Sputnik Беларусь
Навука і ахова здароўя паднялі Беларусь у рэйтынгу "добрых краін"

"Гэта новая для нашай краіны прадукцыя, многае з прадстаўленага на нашым стэндзе ўвозіцца ў краіну. Напрыклад, на пяць мільёнаў долараў кожны год мы ўвозім кітайскі часнык. А між тым, можам узяць і перапрацаваць уласны ў экстракт, які выдатна захоўваецца — і прыўнесці пэўны ўклад у эканоміку краіны", — распавяла Sputnik дырэктар інстытута, доктар біялагічных навук Лілія Надольнік.

Яна сцвярджае, што стэнд карыстаецца цікавасцю ў наведвальнікаў, а таму можна меркаваць, што пры патрэбных інвестыцыях прадукцыя была б запатрабаванай. Так, напрыклад, інстытут заключыў дамову з адной з фірмаў на пастаўкі экстракта падтынніка.

"Кошт аднаго кілаграма — 17 тысяч еўра, так што на нашых распрацоўках можам зарабіць нядрэнныя грошы", — перайшла Надольнік да зразумелых лічбаў.

Прадстаўленыя тут экстракты — лекавыя субстанцыі і сыравіна для харчовай і парфумерна-касметычнай прамысловасці. Экстракт рамонка і экстракт аеру выкарыстоўваецца ў вытворчасці зубной пасты, іншыя — у вытворчасці ласьёнаў.

© Sputnik / Виктор ТолочкоЭкстракт часнаку, здабыты ў Інстытуце біяхіміі АН РБ
Экстракт чеснока Института биохимии - Sputnik Беларусь
Экстракт часнаку, здабыты ў Інстытуце біяхіміі АН РБ

Але для таго, каб запусціць вытворчасць, неабходна атрымаць сертыфікаты.

"Атрымаць сертыфікаты не складана, праблема ў тым, што ў нас няма вытворчасці або лабараторыі, абсталяванай згодна са стандартамi, якія патрэбныя для сертыфікацыі. Патрэбен рамонт памяшканняў, а на гэта уласных сродкаў нам не стае", — распавяла дырэктар інстытута біяхіміі.

Такім чынам, патэнцыйныя грошы пакуль стаяць на выставе, закаркаваныя ў шкляныя слоічкі і посуд, і чакаюць, калі на іх зверне ўвагу дзяржава або інвестар.

Стужка навiн
0