МІНСК, 27 чэр — Sputnik. Міністэрства спорту і аховы здароўя Беларусі рэкамендавалі грамадзянам устрымацца ад паездак у Ізмаіл (Украіна), паведамілі Sputnik у прэс-службе Мінспорту.
На мінулым тыдні ў горадзе Ізмаіл Адэскай вобласці адбылася ўспышка ротавіруснай інфекцыі, у выніку чаго ў бальніцах апынуліся больш за 700 чалавек (большасць дзеці). Прычынай масавага захворвання людзей стаў ротавірус у вадаправоднай вадзе, ён трапіў туды пасля моцных дажджоў.
"Міністэрства аховы здароўя і Міністэрства спорту і турызму Рэспублікі Беларусь рэкамендуюць грамадзянам Рэспублікі Беларусь устрымацца ў бліжэйшы час ад паездак у Ізмаіл і найбліжэйшыя паселішчы Адэскай вобласці, Украіна", — паведамілі ў Міністэрстве спорту.
Суразмоўцы агенцтва адзначылі, што турыстычным кампаніям "настойліва рэкамендуецца" інфармаваць сваіх кліентаў, якія выязджаюць у Адэскую вобласьць, пра пагаршэнне эпідэміялагічнай сітуацыі па кішэчных інфекцыях у паказаным рэгіёне, існуючыя рызыкі заражэння і неабходнасць захавання мер прафілактыкі кішачных інфекцый.
Паводле дадзеных уладаў горада, успышка інфекцыі лакалізаваная, дынаміка паступлення людзей, якія атруціліся, у бальніцы Ізмаіла памяншаецца.
