Усяго ў студыі Белтэлерадыёкампаніі выступілі 45 канкурсантаў, з іх былі адабраныя 10 удзельнікаў фінальнага праслухоўвання.
Фіналістаў адбірала прафесійнае журы, у склад якога ўвайшлі намеснік старшыні Беларускага саюза кампазітараў Эдуард Зарыцкі, кампазітар Генадзь Маркевіч, спявачка Таццяна Дробышава і іншыя.
Адбор прайшоў у панядзелак 27 чэрвеня, дзесятку фіналістаў па выніках праслухоўвання выбрала прафесійнае журы. Да праслухоўвання былі дапушчаныя 45 удзельнікаў, з якіх 39 — сольныя выканаўцы і шэсць — вакальныя групы.
Паводле вынікаў праслухоўвання фіналістамі адборачнага тура сталі:
- Мінёнак Аляксандр (Мінск)
- Мажылоўская Юлія (Мінск)
- Канавалава Вольга (Магілёў)
- Сакалова Стэфанія (Мінск)
- Гурт "Нясумны ўзрост" (Мінск)
- Цітова Алена (Магілёў)
- Купрыяновіч Зінаіда (Мінск)
- Жыліна Марыя (Мінск)
- Шоў-гурт So-Ni-Ka (Віцебск)
- Магільная Марыя (Магілёў)
Паводле інфармацыі Белтэлерадыёкампаніi, фінальнае шоў будзе паказана ў фармаце гала-канцэрта ў прамым эфіры тэлеканалаў "Беларусь 1" і "Беларусь 24" не пазней за 16 верасня.
Пераможца нацыянальнага адбору прадставіць Беларусь на дзіцячым "Еўрабачанні", якое сёлета адбудзецца 20 лістапада ў горадзе Валета (Мальта).
