Нават звычайная майка з нацыянальным прынтам можа прымусіць чалавека задумацца пра больш сур'езныя рэчы, лічыць этнограф Ларыса Мятлеўская.
"Мне падабаецца, што моладзь носіць рэчы з элементамі традыцыйнага арнаменту. Няхай нават гэта проста майка з прынтам — гэта не так ужо дрэнна.
Жыцце мяняецца, і сёння мы ўжо не можам спаць у вышываных кашулях — гэта было б дзіўна. Але дзякуючы майцы з прынтам чалавек, магчыма, зацікавіцца сваімі каранямі, сваёй культурай. І яму захочацца апрануць на свята кашулю з больш складанай, граматна падабранай сімволікай", — сказала Мятлеўская ў эфіры радыё Sputnik Беларусь.
Дзень вышыванкі ўпершыню афіцыйна адзначылі ў Беларусі 2 ліпеня, напярэдадні святкавання Дня незалежнасці. Асноўныя мерапрыемствы новага свята адбыліся ў Мінску на пляцоўцы каля Палаца спорту.
