Шпацыраваць дык шпацыраваць – цэнтр Мінска абяцаюць зрабіць яшчэ больш прывабным

© Sputnik / Марина СеребряковаЛя Ратушы
Ля Ратушы - Sputnik Беларусь
Падпісацца
Зараз у Верхнім горадзе засталося здаць некалькі аб'ектаў на вуліцы Зыбіцкай, у астатнім жа рэканструкцыя завершана.

МІНСК, 9 ліп — Sputnik. Два новых шматфункцыянальных комплексы адкрыюць сёлета на вуліцы Зыбіцкай ў Мінску, паведаміў дырэктар КУП "Мінская спадчына" Павел Шыкунец.

Рэканструкцыяй Верхняга горада ўлады сталіцы пачалі займацца некалькі гадоў таму, цяпер яна амаль завершана — засталося здаць некалькі праектаў.

Так, да Дня горада на вуліцы Зыбіцкай адкрыецца шматфункцыянальны комплекс з гасцініцай, рэстаранам і адміністрацыйнымі памяшканнямі, а да канца года гандлёва-гасцінічны комплекс з фітнес-цэнтрам, офісамі і кафэ.

"Наша задача — зрабіць гістарычны цэнтр больш прывабным. Для гэтага ў апошні час мы адкрылі ў Верхнім горадзе некалькі музеяў. Да канца года першыя паверхі ўсіх будынкаў у гэтай частцы Мінска стануць даступнымі для гараджан. Там, дзе раней размяшчаліся розныя службы і арганізацыі, цяпер з'яўляюцца аб'екты грамадскага прызначэння ", — прыводзяць на сайце Мінгарвыканкама словы кіраўніка "Мінскай спадчыны ".

Вуліца Зыбіцкая — адна з самых папулярных у сталіцы сярод моладзі: тут размешчана мноства бараў і іншых піцейных устаноў.

Стужка навiн
0