МІНСК, 22 ліп — Sputnik. Белдзяржуніверсітэт абвясціў дадатковы набор на бюджэтныя месцы дзённай і завочнай формаў навучання, паведамілі Sputnik у прэс-службе ВНУ.
Падача дакументаў на бюджэтную форму навучання завяршылася 14 ліпеня, але залічэнне абітурыентаў у ВНУ працягваецца да гэтага часу. На некаторых спецыяльнасцях недаборы выявіліся нават на бясплатную форму навучання.
У БДУ на дзённую форму навучання вакантнымі засталіся па два месцы на спецыяльнасцях "геалогія і разведка карысных выкапняў" і "геаінфармацыйныя сістэмы (напрамак — зямельна-кадастравыя)" і яшчэ сем месцаў на спецыяльнасць "гідраметэаралогіі".
Не хапіла людзей і на ваенным факультэце — на спецыяльнасці "геаінфармацыйныя сістэмы (напрамак — спецыяльныя)" засталіся два свабодных месцы.
Ёсць бясплатныя месцы і на завочнай форме навучання — чатыры месцы засталося на геафаку, два — на гістфаку і тры — на факультэце журналістыкі.
На пакінутыя бюджэтныя месцы могуць паступаць не толькі беларусы, але і ўцекачы з паўднёва-усходняй Украіны. Для патэнцыйных "завочнікаў", акрамя паспяховай здачы іспытаў, ёсць і дадатковае патрабаванне — яны ўжо павінны працаваць па профілі.
Дакументы будуць прымацца з 26 па 28 ліпеня ўключна. Залічэнне ў рамках дадатковага набору — па 31 ліпеня.
