У Мінгарвыканкаме распавялі, калі празвініць першы званок

© Sputnik / Марина СеребряковаУрачыстая лінейка
Урачыстая лінейка - Sputnik Беларусь
Падпісацца
Гасцявы тэматычны ўрок з удзелам вядомых людзей сёлета будзе прысвечаны тэме "Нам мір завешчана берагчы".

МІНСК, 8 жні — Sputnik. Урачыстыя лінейкі, прысвечаныя пачатку навучальнага года, адбудуцца ў Мінску 31 жніўня, паведамілі ў прэс-службе Мінгарвыканкама. Па традыцыі на гэтых лінейках, якія пачнуцца а 10.00, для першакласнікаў празвініць першы званок.

Падрыхтоўка да пачатку навучальнага года абмяркоўвалася ў панядзелак на аператыўнай нарадзе ў Мінскім гарадскім выканаўчым камітэце.

1 верасня ў мінскіх школах пачнецца з гасцявога тэматычнага урока "Нам мір завешчана берагчы", распавёў на нарадзе старшыня камітэта па адукацыі Мінгарвыканкама Міхаіл Мірончык. Мяркуецца, што гасцямі лінеек і тэматычных урокаў стануць прадстаўнікі ўлады і ганаровыя жыхары Мінска.

Мірончык нагадаў, што ў 2016/2017 навучальным годзе ў горадзе будуць працаваць 241 установа агульнай сярэдняй адукацыі: 50 гімназій, 1 гімназія-каледж, 2 ліцэя, 176 сярэдніх школ, 1 кадэцкае вучылішча, 5 пачатковых школ, 5 пачатковых школ-дзіцячых садкоў, 1 санаторная школа-інтэрнат.

Яны прымуць, паводле папярэдніх дадзеных, больш за 185,5 тысяч чалавек. Прычым колькасць навучэнцаў у параўнанні з мінулым навучальным годам павялічыцца больш чым на 8 тысяч чалавек.

Больш за 23 тысяч хлопчыкаў і дзяўчынак сядуць за парты ўпершыню. У дзясятыя класы перайшлі 10,5 тысячы школьнікаў, што на тысячу больш, чым у мінулым навучальным годзе.

Стужка навiн
0