МІНСК, 9 жні — Sputnik. Брытанскія навукоўцы знайшлі сувязь паміж лянотай і інтэлектам чалавека, вынікі свайго даследавання яны апублікавалі ў навуковым часопісе Journal of Health Psychology.
Для даследавання навукоўцы адабралі 30 студэнтаў-добраахвотнікаў з высокімі паказчыкамі развіцця інтэлекту і 30 валанцёраў, якім не ўласцівыя асаблівыя разважанні. Абедзве групы даследуемых насілі фітнес-бранзалеты для адсочвання іх актыўнасці.
Пасля тыдня назіранняў навукоўцы прыйшлі да высновы, што схільныя да развагаў людзі былі менш актыўныя, чым тыя, хто імкнуўся пазбягаць "філасаофстваваць". Пры гэтым даследчыкі падкрэсліваюць: сувязь паміж узроўнем развіцця інтэлекту і схільнасцю да ляноты значная.
Таксама даследчыкі прыйшлі да высновы, што людзі, не схільныя шмат думаць, хутчэй паддаюцца нудзе, таму ў іх узнікае жаданне запоўніць вольны час фізічнай актыўнасцю. Акрамя таго, лянота з'яўляецца прыкметай таго, што чалавек схільны да пагружэння ва ўласныя думкі, а фізічна актыўныя людзі расходуюць энергію, і ў іх проста не застаецца сіл на рознага роду разважанні.
Сувязь паміж целам і інтэлектам — адна з галоўных тэм для навуковых публікацый гэтым летам. Так, раней навукоўцы прыйшлі да высновы, што поўнацелыя людзі горш спраўляюцца з разумовымі задачамі, а разумныя жывуць у сярэднім даўжэй.
