МІНСК, 29 жні — Sputnik. Спякотнае надвор'е чакаецца па Беларусі ў панядзелак 29 жніўня: месцамі тэмпература паветра днём дасягне +33°C, а затым пахаладае, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Гарачае надвор'е вярнулася на Беларусь наканцы тыдня: антыцыклон Gerd, які перамяшчаецца праз тэрыторыю рэспублікі на Украіну, сфарміраваны ў цёплай паветранай масе, прынёс у рэспубліку паветра з Міжземнамор'я.
У панядзелак у краіне чакаецца спякотнае надвор'е — днём тэмпература паветра ў паўднёвых рэгіёнах падымецца да +33°C. Пры гэтым, паводле звестак сіноптыкаў, ападкаў не прадбачыцца. Аднак ужо з аўторка надвор'е пачне мяняцца: рэзка пахаладае — да +20°C — і пойдуць дажджы.
Халаднаватае надвор'е захаваецца як мінімум да бліжэйшых выходных: толькі па поўдні краіны паветра на тыдні будзе прагравацца да +23°C, у астатніх рэгіёнах тэрмометры пакажуць не больш за +20°C.
