Сетку платных дарог у Беларусі пашыраць не будуць

© Sputnik / Виктор ТолочкоЗнак платнай дарогі
Знак платнай дарогі - Sputnik Беларусь
Падпісацца
Платнымі паступова стануць усе аўтадарогі, рэканструяваныя да стану аўтадарог першай катэгорыі, але іх пералік вызначаны ўжо даўно.

МІНСК, 26 кас — Sputnik. Пашыраць сетку платных дарог у Беларусі не плануецца: такія трасы ўжо даўно вызначаныя, паведаміў намеснік міністра транспарту і камунікацый рэспублікі Аляксандр Шышко ў сераду на прэс-канферэнцыі ў Мінску.

"Сетка платных дарог пашырацца не будзе. Яны ўжо ўсё вядомыя — гэта дарогі, якія ўжо рэканструяваныя або будуць рэканструяваныя пад параметры першай катэгорыі. Казаць, што будзем уводзіць дарогі, якія мы не рэканструявалі — такога няма, мы не плануем", — сказаў Шышко.

Ён таксама распавёў, што ў рэспубліцы не плануецца будаўніцтва новых пераходаў для жывёл праз аўтатрасы. У той жа час, лічыць Шышко, аўтатрасы, дзе дазволена хуткасць руху да 120 км/г, павінны абавязкова мець агароджу.

"На дарогах, дзе дазваляем 120 км/г, нашы жывёлы маюць дастаткова сур'ёзную масу, лось гэта не камар, таму трэба агароджваць, і гэта, напэўна, абавязковае патрабаванне", — сказаў намеснік міністра.

Ён растлумачыў, што пытанні будаўніцтва пераходаў для жывёл вырашаюцца сумесна з Мінпрыроды, калі устаноўлены і даказаны ўстойлівыя шляху міграцыі.

"Па краіне ў цэлым будуем, калі ёсць выразныя шляхі міграцыі і яны даказаны навукоўцамі. Проста так будаваць нельга, што вось мы тут вырашылі жаб прапускаць", — дадаў намеснік міністра.

Стужка навiн
0