Джэкі Чан атрымаў ганаровы "Оскар" за 200 знятых фільмаў

© REUTERS / Mario AnzuoniЗнакаміты кітайскі акцёр і рэжысёр Джэкі Чан атрымаў у суботу ганаровую прэмію "Оскар" за выдатны ўклад у кінематограф (Academy Honorary Award)
Знакаміты кітайскі акцёр і рэжысёр Джэкі Чан атрымаў у суботу ганаровую прэмію Оскар за выдатны ўклад у кінематограф (Academy Honorary Award) - Sputnik Беларусь
Падпісацца
Беларускія прыхільнікі творчасці Джэкі Чана зараз з нецярпеннем чакаюць прыезду знакамітага акцёра ў Беларусь.

МІНСК, 13 ліс — Sputnik. Амерыканская акадэмія кінематаграфічных мастацтваў і навук ацаніла ўклад Джэкі Чана у кінамастацтва — знакаміты акцёр стаў лаўрэатам ганаровай прэміі "Оскар".

Акцёр Арнольд Шварцэнэгер - Sputnik Беларусь
Гогалю і не снілася: у "Віі" здымуцца Чан і Шварцэнэгер

Ганаровая ўзнагарода амерыканскай акадэміі за выдатныя заслугі ў кінематографе заснавана ў 1948 годзе (раней называлася Спецыяльнай прэміяй), яна прызначаецца па меркаванні праўлення кінаакадэміі. Урачыстая цырымонія ўзнагароджання прайшла ў Лос-Анджэлесе ў суботу.

"Пасля 200 фільмаў, столькіх зламаных костак, ён мой", — сказаў 62-гадовы акцёр падчас узнагароджання.

Вядома, што Джэкі Чан, здымаючыся ў фільмах, часта самастойна выконвае трукі замест каскадзёраў, у выніку чаго акцёр неаднаразова атрымліваў траўмы, у тым ліку пераломы.

Разам з выхадцам Ганконга ўладальнікамі статуэткі сталі дакументаліст Фрэдэрык Уайзман, мантажор Эн Коўтс і рэжысёр па падборы акцёраў Лін Сталмастэр.

Джэкі Чан зняўся ў галоўнай ролі ў больш чым у 100 фільмах. У іх ліку "П'яны майстар" (Zui quan, 1978), "Даспехі Бога" (Lung hing foo dai, 1986), "Час пiк" (Rush Hour, 1998), "Шанхайскія рыцары" (Shanghai Knights, 2003), "Вакол свету за 80 дзён" (Around the World in 80 Days, 2004) і многіх іншых. Па дадзеных часопіса "Форбс", Чан займае другое месца ў рэйтынгу самых высокааплатных акцёраў у свеце (61 млн даляраў).

Ён не толькі акцёр, але і рэжысёр, прадзюсар, сцэнарыст і спявак. Акцёр вядомы сваім акрабатычным баявым стылем і камедыйным дарам.

Беларускія прыхільнікі творчасці Джэкі Чана зараз з нецярпеннем чакаюць прыезду знакамітага акцёра ў Беларусь. У кастрычніку шэраг беларускіх СМІ паведаміў, што Джэкі Чан 23 лістапада прыме ўдзел у выступленні свайго тэатра "Dragon Kong" у Мінску.

Стужка навiн
0