МІНСК, 15 сне — Sputnik. Штрафы за незаконную высечку ёлак могуць скласці ад пяці да 300 базавых велічынь, нагадалі ў сераду ў Дзяржаўнай інспекцыі аховы жывёльнага і расліннага свету пры прэзідэнце.
У інспекцыі нагадалі: навагоднюю ёлку можа набыць кожны на ёлачных базарах, дрэвы для якіх нарыхтоўваюцца на тэрыторыі ляснога фонду.
Як паведамілі ў інспекцыі, на грамадзяніна за знішчэнне або пашкоджанне дрэва або хмызняку па-за ляснога фонду могуць накласці штраф ад пяці да 50 базавых велічынь. ІП могуць быць аштрафаваныя на 20-200 базавых велічынь, а юрыдычныя асобы — ад 50 да 300 базавых велічынь.
"У астатніх лясах ляснога фонду за аналагічныя правапарушэнні прадугледжаны штрафы да 30 базавых велічынь для грамадзян, для індывідуальных прадпрымальнікаў ад 10 да 150, а на юрыдычную асобу — ад 50 да 300", — удакладнілі ў Дзяржінспекцыі.
У 2016 годзе базавая велічыня складае 21 рубель, гэта значыць грамадзянін можа быць аштрафаваны на суму вышэй за 500 долараў ЗША, а юрыдычная асоба — і на некалькі тысяч долараў.
"Акрамя таго, за кожнае ссечанае навагодняе дрэва дыяметрам у пня да 12 см вінаватыя абавязаныя будуць пакрыць шкоду, прычыненую навакольнаму асяроддзю, у памеры ад 0,1 да 0,2 базавай велічыні, у залежнасці ад месца здзяйснення парушэння, а таксама кошт самога дрэва пры немагчымасці яго канфіскацыі — 1 базавую велічыню", — дадалі ў арганізацыі.
Перад Новым годам супрацоўнікі Дзяржінспекцыі правядуць кантрольныя мерапрыемствы.
