Пытаннямі аграсядзібаў зоймецца спецгрупа на чале з Шамко

© Sputnik / Анна НефедоваАнтураж дома ў сядзібе "Балачанка"
Антураж дома ў сядзібе Балачанка - Sputnik Беларусь
Падпісацца
Новы дакумент, якім рэгулюецца дзейнасць аграсядзібаў, будзе падрыхтаваны да 20 студзеня наступнага года.

МІНСК, 25 сне — Sputnik. Рабочая група для фарміравання прапаноў па ўдасканаленню дзейнасці суб'ектаў аграэкатурызму створана ў Беларусі, паведамілі Sputnik у прэс-службе беларускага ўрада.

"Распараджэннем прэм'ер-міністра створана рабочая група для выпрацоўкі прапаноў па ўдасканаленні дзейнасці суб'ектаў аграэкатурызму, яе ўзначаліў міністр спорту і турызму Аляксандр Шамко", — сказалі ў кабміне.

У склад групы ўвайшлі кіраўнікі міністэрстваў і ведамстваў, прадстаўнікі банкаў і турбізнесу. Паводле інфармацыі кабміна, яе ўдзельнікі правядуць аналіз умоў работы суб'ектаў аграэкатурызму, а таксама прапаноў ўсіх зацікаўленых арганізацый.

У выніку група павінна выпрацаваць прапановы па далейшай дзейнасці аграсядзібаў, вынікам якіх стане праект нарматыўнага акта — яго Мінспорту неабходна прадставіць у кабмін да 20 студзеня 2017 года.

Раней у Мінспорту і МПЗ пазначылі праблему, якая склалася ў Беларусі: пад выглядам аграсядзібаў некаторыя грамадзяне па факце займаюцца гасцінічным і рэстаранным бізнэсам, а плацяць мізэрны падатак — адну базавую велічыню ў год.

Стужка навiн
0