Даплаты маладым настаўнікам: каго гэта закране

© Sputnik / Виктор ТолочкоУрок вядзе малады настаўнік
Урок вядзе малады настаўнік - Sputnik Беларусь
Падпісацца
Пастанова Савета міністраў ужо дзейнічае - яна ўступіла ў сілу 1 студзеня гэтага года.

МІНСК, 22 сту — Sputnik. Даплаты педагогам закрануць тых маладых спецыялістаў, якія адпрацавалі па размеркаванні два гады і засталіся ў той жа ўстанове адукацыі, адпаведная норма замацаваная ў пастанове Саўміна №48 ад 19 студзеня 2017 года.

Беларускі ўрад вырашыў падоўжыць даплаты маладым спецыялістам-педагогам яшчэ на адзін год. Мяркуецца, што такая мера дасць магчымасць не зніжаць узровень дастатку настаўнікаў і замацуе іх за школамі.

Згодна з рашэннем урада, маладыя настаўнікі будуць атрымліваць даплату ў памеры да адной тарыфнай стаўкі 1 разраду. Тарыфная стаўка першага разраду складае 31 рубель. Даплаты будуць выплачвацца маладым спецыялістам па асноўным месцы працы прапарцыйна адпрацаванаму часу. Закране гэта даплата тых маладых спецыялістаў педпрофіля, якія адпрацавалі неабходнае двухгадовае размеркаванне і засталіся працаваць у той жа ўстанове адукацыі.

Пастанова Саўміна ўступіла ў сілу з 1 студзеня 2017 года.

Стужка навiн
0